Shillong, K’lyngkot 09
Shi sngi shwa ba ka Nongpdeng Cricket Team kan pynkhreh ban ïashim bynta ha ka Second Division Cricket League 2025, u Bah Samuel Biam bad uba bat ruh kum u Presi-dent ka Seng Samla Maw-lai Pyllun, u la noh syn-ñiang da ki tiar ïalehkai sha kane ka kynhun khnang ba kan lah ban ïalehkai bha ha katei ka lympung.
Ha kane ka lympung ban pynïaid da ka Shil-long Cricket Association, ka Nongpdeng ka la don ha ka Group-A ryngkat ka NWCC, Occult, Jersey King bad ka Masonic, katba ha ka Group-B ki long ka Metallica Rising, Akadimia Langsning, Sportive Junior, Cluster CC bad ka Lawsohtun.
Kumta ka Nongpdeng kan ïakhun nyngkong pyrshah ïa ka NWCC ha ka Sngi Thohdieng ha madan Urkaliar, Shillong ha ka por 8:30 mynstep, katba ka Akadimia Langsning ïa ka Sportive Junior ha ka por 12:30 mynsngi.
Ha katei ka sngi la ïadon lang ki dkhot nong-kitkam jong ka shnong Mawlai Nong-pdeng bad ki dkhot ka Seng Samla nalor kiwei pat. Kumta ka jingkhmih lynti ka long ba katei ka kynhun kan lah ban ïalehkai bha khnang ban ïoh jam sha ka kyrdan ïalehkai jong ka First Division ha ka aïom ban wan.
Ha kawei pat ka liang ka jingnoh synñiang u Bah Samuel ka long shi bynta ban pynshlur ïa ki khynnah samla jong ka shnong ba kin pynleit jingmut ha ki kam ïalehkai khnang ba kin nangkiew shaphrang khnang ba ha kawei ka sngi kin ïoh ka lad ban mihkhmat ïa ka Jylla sha ki lympung ban ju pynlong da ka BCCI.
Kat kum ka prokram la ong ba ïa ki jingïakhun semi final la buh ban pynlong ha ka 10 tarik u Rymphang mynta u snem.
