Shillong, K’lyngkot 09
Ka KSU Mawïongrim Unit kum shi bynta ban kyntiew bad plie lad ïa ki samla jong ka shnong kiba don ïa ki sap bapher bapher ha ki kam ïalehkai, ka la pynlong da ka Winter Games kaba la sdang naduh ka Lah Sngi U Blei bad pynkut noh ha ka sngi kaba bud.
Ha ka jingïalehkai phutbol phainal, ka Block 2 B ka la long ka lahduh hadien ba ka la jop ïa ka Block 5.
Ha kane ka sngi pynhap pyrda ïa kane ka lympung la ïadon lang u President Rangbah jong ka seng u samla Lambokstarwell Marngar kum u kongsan bad u samla Eddie Malngiang (GS Mawlai circle) kum u symbud kongsan, ryngkat ki nongïalam Seng Kmie kynthup ïa u samla Pynkmen Sanmiet bad u samla Cleen Shabong.
Ha kane ka lympung la ïoh ban pynlong ïa ki jingïalehkai kiba kynthup ïa ka Football, Arms Wrestling & Marathon.
