Shillong, K’lyngkot 10
Ka Sorkar Pdeng ka la pyllait ïa ka pisa kaba dei ka bhah kaba mih na ka jinglum khajna kaba ju ïasam hapdeng ka Sorkar Pdeng bad ki Sorkar Jylla ha kaba ka Jylla Meghalaya ruh ka la ïoh T.1327.13 klur.
Ka jingbhah khajna (tax devolution) ka dei ka jingïasam ïa ka jingïoh khajna hapdeng ka Sorkar Pdeng bad ki Jylla.
Ka Sorkar Pdeng ka la pyllait ïa ka jingïoh khajna kaba T. 1,73,030 klur sha ki Sorkar Jylla.
Kiwei pat ki jylla ka Thaiñ Shatei Lam Mihngi kiba ïoh bhah na ka jingïoh khajna ki long ka Assam T. 5412.38 klur, ka Arunachal Pradesh T.3040.14 klur, Manipur T. 1,238.90 klur, Tripura T. 1225.04 klur, Nagaland T.984.54 klur, Mizoram T. 865.15 klur, Sikkim T.671.35 klur.
