Shillong, K’lyngkot 10
Ka Army Boys Sports Company, MEG & Centre Bangalore kan pynlong ïa ka prokram ban pynrung ïa ki rangïa-lehkai Boxing, Hockey, Sailing bad Swimming naduh 20 haduh 23 tarik mynta u bnai.
Ïa kane ka prokram yn pynlong ha Kendriya Vidyalaya MEG & Centre, Sports Ground Bangalore naduh ka por 6 baje mynstep haduh 5 baje janmiet.
Ki rangïalehkai ha ka rta kaba 8 haduh 14 snem (ba la kha hapdeng ka 20 tarik u Kyllalyngkot, 2011 bad ka 20 tarik u Kyllalyngkot, 2017), ki dei ban pyni ïa ki kot ki sla ïalehkai ha kino-kino ki jait jingïalehkai ba la kdew haneng. Ki khynnah shynrang kiba don ha ka rta kaba 14 snem bad 1 sngi haduh 16 snem (ba la kha hapdeng ka 20 tarik u Kyllalyngkot, 2009 bad ka 19 tarik u Kyllalyngkot, 2011) ki dei ban long kiba la khur takma ha ki lympung ïalehkai hapoh ka ri ne wat shabar ri ruh kumjuh ba la ithuh da ki synjuk ïalehkai jong ka ri ha ka liang ka Boxing, Hockey, Sailing bad Swimming.
Na ka bynta ki jingtip kiba bniah ki nongshim bynta ki lah ban leit sha ka Army Boys Sports Company, MEG & Centre, Bangalore-42, Telephone No. 7899481540 lane Email ha ka [email protected].
