Ottawa, K’lyngkot:
Ha kane ka sien, la ong ba u Chandra Arya, uba dei jaitbynriew nong India bad dkhot jong ka ïing dorbar thaw aiñ, ha ka Sngi Palei u la pynbna ba ma u ruh un mih ban ïakhun na ka bynta ban ioh long u Myntri Rangbahduh uba bud jong ka ri Canada.
Ha kawei ka durkhih kaba u la pyllait bad ai jingkren sha ki paidbah, u Arya u la pynpaw ia ki jingthmu bad jingangnud jong u ban kyntiew ia ka ri Canada bad un ialeh katba lah ban ioh thaw sorkar ha Canada bad ban pynkhie im biang ia ka Canada.
Ha katei ka durkhih, u Arya u la ong ba un ialeh katba lah ban ïakhun tyngeh ban ioh long u Myntri Rangbahduh uba bud jong ka ri Canada bad ba un ioh ban ialam ia ka ri sha ka lawei ba phyrnai, ha ryngkat ka jingkyrshan bad ka jing-iatrei lang bad ki paidbah nongshong shnong jong ka ri baroh kawei.
Namar u la ong ruh ba lada ki paidbah ki kwah ia ka lawei kaba bha, ki dei ban pyrkhat sani bha iano kin ai jingkyrshan bad ha uno u nongialam ba ki dei hok ban shaniah. Na ka liang jong u hi, u la ong ba lada u ioh ban long u Myntri Rangbahduh jong ka ri Canada, un ïakhun shitom ban pynduh- pyndam ia ki jingeh kiba ktah jur ia ka ri ha ka liang ka ioh-ka kot bad ia kiwei ruh ki liang kiba kham ñiar kiwei pat ki nongialam kin phai khmat ban wanrah jingkylla bad ban kyntiew ia ka ri.
