Jowai, K’lyngkot 15
Ka lympung ïalehkai 6th Meghalaya Games ka la sdang da ka jingïalehkai kynjat bol jong ki khynnah Under-17 ha ka Sngi Balang ha Kiang Nangbah Stadium kaba ha Jowai.
Ha kane ka sngi sdang ki la don lai tylli ki jingïalehkai ha kaba ka East Garo Hills ka la ïoh jingjop hadien ba pynliem noh ïa ka South West Garo Hills da 4-2 kol.
Haba phai sha ar tylli kiwei pat ki jingïalehkai ki la ïasam mar shi point hapdeng ka South West Khasi Hills pyrshah ïa ka East Khasi Hills bad ka East Jaiñtia Hills ïa ka Ri-Bhoi ki la ïakhaid mar 1-1 kol.
Ka jingïalehkai ha ka Sngi Palei ha ka liang ki kynthei kan long hapdeng ka South West Garo Hills pyrshah ïa ka West Garo Hills ha ka por 8 baje mynstep, ka East Khasi Hills ïa ka North Garo Hills ha ka por 10 baje mynstep, ka East Garo Hills ïa ka East Jaiñtia Hills ha ka por 12 mynsngi, katba ka South West Khasi Hills pyrshah ïa ka West Khasi Hills ha ka por 2 baje nohphai sngi.
