Shillong, K’lyngkot 15
Hadien ba la ïoh ïa ka jingtip na ki bor ha US shaphang ki kam jong katto-katne ki kynhun kiba leh ïa ki kam beaiñ, ki kynhun pyntriem, ki nongkhaïi drok bad kiwei kiwei kiba ktah ïa ka jingshngaiñ jong ka India bad ka US, la wanrah ïa ka High Powered Enquiry Committee da ka Sorkar India ha u Naiwieng 2023.
Kane ka Enquiry Committee ka la pynlong ïa la ka jong ka jingtohkit bad ka la buddien ïa ki jingai jingtip ba la ai da ka US. Ka la ïoh ka jingïatreilang jong ki bor ha US bad kine arliang ki la ïaleit mar kylliang. Ka committee ka la peit ruh ïa ki ophisar na ki kynhun bapher bapher bad ki la peit ïa ki kot ki sla kiba ïadei bad kane ka kam.
Hadien ka jingtohkit kaba jrong, ka committee ka la ai ïa ka kaiphod jong ka sha ka Sorkar bad ka la ai jingmut ban shim ïa ki sienjam katkum ka aiñ pyrshah uwei u briew, ba la lap ban don ki jingïadei mynshuwa bad ki kam beaiñ katba dang pynlong ïa ka jingtohkit. Ka Enquiry Committee ka la ai jingmut ban shim mardor ïa ki sienjam katkum ka aiñ. Ka committee ka la ai jingmut ruh ban kyntiew ïa ki rukom treikam bad ka jingsdang ïa ki kam ban pynkhlaiñ ïa ka bor jong ka India ban ïaleh pyrshah ïa kine ki kam, pynthikna ka jingpeit ïa ki kam bad ka jingïatreilang ban ïaleh pyrshah ïa kum kine ki kam.
