Jowai, K’lyngkot 16
Ka kynhun ki ‘thei ïaleh-kai kynjatbol ka East Khasi Hills ka la sdang da ka jingjop ïa ka North Garo Hills haduh 11-2 kol ha ka lympung ïalehkai 6th Meghalaya Games 2025 kaba la long ha ka Sngi Palei ha Kiang Nangbah Stadium kaba ha Jowai.
Ha ka jingïakhun ba ar, ka West Garo Hills ka la pynliem noh ïa ka South Garo Hills da 4-0 kol, katba ka East Jaiñtia Hills ka la jop da 2-1 kol ïa ka East Garo Hills.
Haba phai sha kawei pat ka jingïakhun kaba khatduh, ka South West Khasi Hills ka la pynliem noh ïa ka West Khasi Hills da 1-0 kol.
Ka jingïalehkai jong ki shynrang ha ka sngi Thohdieng kan long hapdeng Eastern West Khasi Hills pyrshah ïa ka West Khasi Hills ha ka por 8 baje mynstep, ka West Jaiñtia Hills ïa ka South West Garo Hills ha ka por 10 baje mynstep, ka West Garo Hills ïa ka South West Khasi Hills ha ka por 12 baje mynsngi bad ka North Garo Hills pyrshah ïa ka East Jaiñtia Hills ha ka por 2 baje nohphai sngi.
Ïa kane ka lympung yn plie pyrda ha ka 20 tarik mynta u bnai ha kaba kin don kumba 3500 ngut ki nongïalehkai ban shim bynta ha ki 29 tylli ki jingïalehkai, kynthup ïa saw tylli ki jingïalehkai tynrai.
