Nongpoh, K’lyngkot 16
Ka shlem treikam jong u District Sports Officer (DSO) ka Ri Bhoi District ha ka jingïatrei lang bad ka shlem treikam u Deputy Commissioner Ri Bhoi District lem bad ka Byrnihat Sports Association, kin pynlong ïa ka prokram ai jinghikai kynjatbol ba la tip kum ka ‘Winter Football Camp’ na ka bynta ki heprit kynthei bad shynrang kiba hapdeng ka rta 13 snem.
Ïa kane ka prokram ai jinghikai yn pynlong ha ka 17 tarik mynta u bnai ha madan ïalehkai jong ka Lumnongrim Byrnihat ha kaba u Bah Jeffrey Warlarpih, uwei na ki Coach ba paw ka Jylla lem bad ki community coach jong kane ka district kin ïadon bynta ban ai jinghikai ïa ki heprit.
