Shillong, K’lyngkot 16
Ki Nonghikai SSA Sohïong Block Unit ki la pynkhreh ban pynlong da ka General Meeting ne ka jingïakynduh lang jong baroh ki para nonghikai SSA ha ka 17 tarik Kyllalyngkot, 2025 hapoh ka Umsaw LP & UP School (SSA) ha ka por 10 baje mynstep.
Katkum ka kyrwoh khubor ba la phah da u Babu A. Malngiang, President ka MSSASA Sohïong Block Unit, ka wer bad khot ïa baroh ki para nonghikai SSA ba kin ïa pyllait por khnang-khnang ban wan ha kane ka jingïalang khang ban ïoh ïa pyrkhat lem ïa ki kam-ki jam kiba bun jong ki nonghikai bad kan don ruh ka jingpynthymmai ïa ki nongkitkam jong ka Block Unit.
Ha kajuh ka por, la pyntip lang ruh ba ki para nonghikai SSA kiba don hapoh ka Sohïong Block ba kin ïa poi ryntih lang sha kane ka jingïalang.
Ha kane ka General Meeting, yn ïadonlang ruh u President ka MSSASA, Central Body, Bah Aristotle C. Rymbai lem bad ki nongïalam jong ka distrik.
