Shillong K’lyngkot 17
Ki jingïalehkai jong ka lympung Shillong Cricket League 2nd Division 2024-25 ha ka Sngi Thohdieng ki don ar tylli. Ka jingïalehkai ba nyngkong ka long hapdeng ka Jersey Kings pyrshah ïa ka New Warrior cc. Ïa ka kynting pisa la jop da ka New Warrior cc bad ka la jied ban tied hadien. Ha ka 1st innings ka Jersey Kings ka la ïoh 123 run na ki 7 wiket ha ki 20 over. U Gopal Sunar u la ïoh 42 run na ki 35 bol bad u Raj Biswa u la ïoh 40 run na ki 36 bol. Katba u Avinash Kr Roy uba la kawang bol ha ki 4 over bad ïoh ban shim 2 wiket bad u Pankaj Chanda na ki 4 over u ruh u la shim 2 wiket.
Haba wan beh ïa ka thong jong ka liang pyrshah, ka New Warrior cc ka la lah ban ïoh 128 run na ki 4 wiket ha ki 11.2 over. U Pankaj Chanda u la ïoh 57 run na ki 27 bol bad u Lakhan Lal Das u la ïoh 15 run na ki 12 bol. U Raj Biswas na ki 2 over u la shim 2 wiket bad kumjuh u Sunil Gurung u la shim 2 wiket ha ki 2 over.
Ha kaba kut ka jingïalehkai ka New Warrior cc ka la jop da 6 wiket bad ïa ka nam ‘Player of the match’ la ïohpdiang da u Pankai Chanda uba la ïoh 57 run bad shim wiket.
Ha kawei pat ka jingïalehkai kaba bud ka Lawsohtun ka la jop da 4 wiket ïa ka Akadimia Langsning cc.
Ha ka 1st innings ka Akadimia Langsning cc ka la ïoh 114 run na ki 9 wiket ha ki 20 over. U Mackie Bleah u la ïoh 37 run na ki 34 bol. Ki nongkawang bol ka liang pyrshah u Kavin K’wanniang u la shim 3 wiket na ki 4 over bad u Andrew B Thabah u la ïoh tang shi wiket ha ki 4 over.
Ha ka wat ba ar ka Lawsohtun ka la lah ban ïoh 117 run na ki 6 wiket ha ki 14.4 over. U Man Ummulong u la ïoh 59 run na ki 37 bol bad u Manchester Pathaw u la ïoh 17 run na ki 15 bol. U DP Tynsong kum nongkawang u la ïoh 3 wiket na ki 4 over.
Ïa ka nam ‘player of the match’ la ïohpdiang da u Man Ummulong uba la ïoh 59 run.
