Shillong, K’lyngkot 17
Ka jingshna ïa ka surok four-Lane naduh Hynñiew -mer haduh Umshyrpi ka la ïaid shaid-shaid bad mynta ka la poi haduh jingkieng Umshyrpi ha kaba la ïohi ba la sdang ban shna ïa ka jingkieng bathymmai ha Umshyrpi ha syndah ka jingkieng ba mynta.
Lah ban kdew ba ka jingkieng Umshyrpi ka dei ka jingkieng kaba la rim bha kaba dei ka surok kaba la pyndonkam da kiba bun ki briew sha ki shnong bapher bapher kiba wan na kiwei ki distrik.
Ïa kane ka jingkieng la sdang ban shna thymmai namar ka dei kaba la rim bad la bunsien la pynbha bad maramot ïa ki thliew kiba la paw nar na ka jingpei ka surok.
La ïohi ruh ba haba shna ïa kane ka surok kam don ka jingthut ïa ki kali ba leit ba wan namar ki dang ïaid na katei ka jingkieng, hynrei ka don ka jingdheng kali kaba jur bha ha Upper Shillong ha ki bynta Sanmer ka lad ban kiew sha u lum Shillong, Hynñiewmer ka lad sha Sohra bad Sawmer kaba don hajan ka Madan kynjatbol kaba la neh mynta da ki bnai.
