Shillong, K’lyngkot 20
Ka Congress ha ka Lah Sngi U Blei ka la pyllait biang ïa ka thup kyrteng ba saw jong ar ngut ki kyrtong ban ïakhun ïa ka ilekshon MDC sha Khasi Hills Autonomous District Council (KHADC) bad ka Jaiñtia Hills Autonomous District Council (JHADC) ka ban long ha ka 21 tarik Rymphang, 2025.
Ha KHADC, ka Congress ka la pynbna ïa ka kyrteng jong u Bah Tailin Lyngdoh ban ïakhun na Parïong-Mawthadraishan Konstitwensi katba ha JHADC, la rai ban pynïeng ïa u Bah Jesperson Bamon na Sutnga-Narwan Konstitwensi.
Haduh mynta, ka Congress ka la pynbna ïa 47 ngut ki kyrtong sha ka ilekshon MDC na ki ar tylli ki ADC ba kynthup ïa 20 ngut jong ka KHADC bad 27 ngut jong ka JHADC.
