
Shillong, K’Lyngkot 25
Ka Namdhari FC ka la jam sha ka kyrdan ba hakhlieh ha ka I-League, hadien ba ka la lah ban pynliem noh ïa ka Shillong Lajong FC da 5-2 kol ha la ïing ha ka sngi Saitjaiñ.
Kane ka nam jop ka la wan urlong lyngba u Peter Seiminitthang Haskip (48 & 84) uba la thep ar kol, katba ïa kiwei pat la thep da u Vicente De Paula Mercedes (22), Cledson Carvalho Dasilva (26) bad u Bhupinder Singh (62). Katba na ka Lajong la thep da u Douglas Tardin (7) & Figo Syndai (74).
Da kane ka jingjop ka Namdhari ka la kamai 20 point na ki shiphew sien ïakhun bad ka la tam da shi point ïa ka Churchill Brothers, kaba la hiar mynta sha ka kyrdan ba-ar, katba ka Lajong ka dangïai sah ha ka kyrdan ba hynriew bad kamai 13 point.