
Shillong, K’Lyngkot 25
U Heprit Champ Charming Suchiang u la ïoh ban khur ïa ka kyrdan kaba ar ha ka rynsan ïakob rang bhabriew jong ki heprit ba la tip kum ka IAMS International India 2025, kaba la sdang naduh ka 20 tarik bad kut pat ha ka 25 tarik mynta u bnai ha Thailand.
Kane ka dei ka sien kaba nyngkong eh ba tang ha ka rta kaba dang 7 snem, ka Meghalaya ka la lah ban sei ïa u heprit u ban mihkhmat ïa ka jylla bad ïa ka thaiñ shatei lam mihngi jong ka ri kum uta u Model lane u rang bhabriew ha kane lympung ïakob
Une u heprit udei u khun jong i Kong Rihunlang Suchiang bad Prince Chetri kiba shong ba sah ha Rynjah, Lapalang Pdeng Shnong.
Na ka liang i Kmie jong une u heprit uba dang leit klas 3 mynta haba pyntip i la ong ba ki sngewkmen ba u Champ u la ïoh ban khur ïa ka kyrdan kaba ar ha kane ka lympung kaba heh ha Thailand.
Ha kajuh ka por pat ki la pynpaw ruh ïa ka jingsngewnguh ïa kito baroh kiba la kyrshan ïa u naduh ba sdang ban mih pyrthei bad haduh kane ka kynti ban rah syndon ïa ka nam jop.