Shillong, K’Lyngkot 25
Ka Rangdajied United FC ka la pynjem khnap ia ka Nongrim Hills SC haduh shiteng dorjon (6-0 kol) ha ka Shillong Premier League 2024, katba ka Nangkiew Irat SC ka la ïakhaid mar 1-1 kol bad ka Langsning FC ha ka sngi Saitjaiñ ha SSA Stadium, Polo.
Kane ka nam jop jong ka RUFC ka la wan urlong lyngba u Owanijuh Pajuh (6), Arlangky Nongsiej (9), Dibormi Kassar (26), Owanijuh (34), Freddy B Jyrwa (68) bad u Manbhakupar Ïawphniaw (77)
Kane ka long ka jingjop kaba ar sien kynthih namar ha ka wat kaba nyngkong kaba la long ha ka 8 tarik u Naiwieng 2024, ka RUFC ka la jop da 1-0 kol ïa ka Nongrim Hills.
Haba phai sha kawei pat ka jingïakhun, u Rhitso Mero (25) u la pynkhih jar nyngkong na ka bynta ka Langsning, hynrei shwa ban wai u Jefferson Pakynteiñ (90+2) u la lah ban pynïakhaid na ka bynta ka Nangkiew.
