Washingtno, K’lyngkot:
U heh spah bah jong ka ri United States, u Michael Bloomberg, ha ka Sngi Palei u la pynbna ba ka kynhun jong u kan shimkhia ban bei tyngka na ka bynta ka tnat Climate Change jong ka UN hadien ba u President ba thymmai ka US- u Donald Trump u la pynbna ba ka America kan mih noh na ka Paris Agreement ha ka sien ba ar.
Ka jingiadon bynta jong u Bloomberg ha kane ka kynti, ka long ban pynthikna ba ka United Nations Framework Convention on Climate Change (UNFCCC) kan dang lah ban ïaid sha khmat ha ki jingthmu jong ka da kaba pyntikna ba kan ïoh ka jingkyrshan kaba skhem wat la ka ri America ka la pynsangeh noh ïa ki jingnoh synñiang jong ka.Ka ri America ka ju ai kumba 22% na ka mang tyngka jong ka UNFCCC secretariat, ha kaba ka jinglut jingsep jong ka seng na ka bynta u snem 2024-2025 la antad ba kan long kumba 88.4 million euro ($96.5 million).
Kane ka long ka sien kaba ar ba ka Bloomberg ka la mih bujli ban pyndap ïa ka jingduna kaba la iehnoh da ka jingpynkylla ïa ka sorkar pdeng jong ka US.
Ha u snem 2017, hadien ba ka sorkar Trump ka la mih noh nyngkong na ka jingiateh Paris, ka Bloomberg ka la kular haduh $15 million ban kyrshan ia ka UNFCCC.
U la pynmih ruh ïa ka “Jingkular jong ka America,” ka jingthmu ban bud-dien bad ai jingtip ïa ki jingkular jong ka US kiba ym dei jong ka sorkar pdeng halor ka jingkylla ka suiñbneng, ban pynthikna ba ka pyrthei ka lah ban bud-dien ïa ka jingïaid shaphrang jong ka US kumba ka dang dei ka kynhun kaba aiti pura ïa ka jingïateh kular ka Paris.
Kumta, la ong ba u Bloomberg u la pynpaw biang ïa ka jingkular jong u ban pynneh ïa ki jingkitkhlieh jong ka US ban ai khubor ha kane ka kynti ruh kumjuh. Ia u Michael Rubens Bloomberg la kha ha ka 14 tarik u Rymphang ha u snem 1942, u Bloomberg u long u nongkhaïi bad u riewsaiñ pyrthei jong ka ri America. U dei u trai ba heh tam bad u nongseng lang jong ka Bloomberg L.P., bad u la long u CEO jong ka naduh u snem 1981 haduh u snem 2001 bad sa shisien pat naduh u snem 2014 haduh u snem 2023.[1] U la shakri kum u nongmihkhmat jong ka nongbah New York na ka bynta lai sien naduh u snem 2002 haduh u snem 2013 bad u la long u kyrtong na ka bynta ka 2020 jong ka Democratic nomination ban long president ka United States. Ha u snem 2024, u Bloomberg u la ioh ia ka takma jong ka jinglaitluid na u president Joe Biden.
U la shakri ruh kum u Chairman jong ka Defence Innovation Board, ka kynhun ai jingmut ba laitluid kaba ai jingmut halor ka jingstad thymmai, ki software, ki data bad ka jingpynkylla thymmai ïa ka digital sha ka tnad ïada ri jong ka ri America, naduh u Jylliew jong u snem 2022.
