Shillong, K’lyngkot 27
Ka Bengal ka la pynliem noh ïa ka Meghalaya da 9 wiket ha ka lympung ïalehkai U-23 men’s Col CK Nayudu Trophy 2024-25 kaba la long ha ka Sngi U Blei ha madan Alotgre kaba ha Tura.
Kane ka dei ka sien kaba nyng-kong eh ba la pynlong ïa ka jing-ïalehkai jong ka BCCI ha Tura bad kane ka la wan urlong lyngba ka jingtrei shitom jong ka Tura District Cricket Association. Ka la long ka jingangnud kaba la slem bha jong ka MCA ban pynlong ïa ki jingïalehkai ha kane ka jaka kaba itynnad bad ki dkhot jong ka TDCA bad ki nongtrei ha madan bad kiwei kiwei ki la trei shitom met bad mynsiem ban pynkhreh ïa katei ka madan lem bad ka jaka shong ki nongpeitkai bad kiwei kiwei ki jaka, la pynpaw u President ka MCA u Nababrata Bhattacharjee.
Ha katei ka sngi la sakhi lang da u Myntri Rangbah ka Jylla u Conrad K Sangma.
“Kane ka jingïalehkai ka dei ka lynnong kaba kongsan na ka bynta ki jingïalehkai ha Garo Hills bad ka plie lad ban ai mynsiem ïa ki nongïalehkai kriket ha ka lawei,” la pynpaw u Myntri Rangbah ha ka rynsan social media. “Ka jingsngew -nguh ka leit sha ka BCCI, CAB (Cricket Association of Bengal) bad ka MCA na ka bynta ka jingpyrshang jong ki bad ki jingtei kiba pawnam ha ka pyrthei kiba la pynlong ïa kane ban long kaba lah. To ngin rakhe ïa kane ka mawjam bad khmih lynti ïa kiwei pat ki jingïalehkai ha ki por ban wan.”
Haba phai sha ka jingïalehkai, ka Meghalaya ka la shah pynkhyllem baroh ki nongtied na ka bynta ban ïoh 133 run ha ka pali kaba nyngkong hadien ba la pynlong ïa ka ban tied nyngkong bad nangta ka la pynhap noh ïa ka Bengal kaba ïoh 225 run. Te kumta ka la pynlong ïa ka Bengal ban dang lamkhmat ha ka pali kaba nyngkong da 92. Nangta, ha ka pali ba ar ka Meghalaya ka la shah pynhap baroh wiket ban ïoh tang 100, kaba mut ba ka Bengal ka donkam tang 9 ron ban ïoh jingjop, kaba ki la pyndep na ka bynta ka jingduh kawei ka wiket.
Ki nongïalehkai ba kham lehkai bha jong ka Meghalaya ha kane ka jingïakhun ki long ki nongtied bol u P.M Santhosh (3/32 na ki 10 ober), u Bipin Kr Ray (3/41 na ki 18) bad u Manish Sharma (3/76 na ki 21.4). Ki nongpynïaid ki la duna bha ha ka liang ka jingtied bol hynrei u Swastic Chettri u la ïoh 48 na ki 104 bol ha ka pali ba ar hadien ba u la noh synñiang ruh 26 na ka 56 ha ka pali kaba nyngkong.
Ki nongtied ba kynsai ka Meghalaya ha kane ka jingïakhun ki long u P.M Santhosh (3/32 na ki 10 over), u Bipin Kr Ray (3/41 na ki 18 over) bad u Manish Sharma (3/76 na ki 21.4 over). Kumba ka paw ki nongtied ka Meghalaya ki long kiba duna bha ha ka ban kamai run lait tang u Swastic Chettri u la tied 48 run na ki 104 bol ha ka pali kaba ar hadien ba u la noh synñiang ruh 26 run na ka 56 bol ha ka pali kaba nyngkong.
Ka jingïalehkai kaba khatduh jong ka Meghalaya kan long pyrshah ïa ka Vidarbha ha Nagpur naduh 1 tarik u Rymphang.
