Nongstoiñ, K’lyngkot 27
U District Magistrate ka West Khasi Hills District, Bah Garod LSN Dykes, IAS u la pynjari da ka kyndon 163 BNSS 2023 ha baroh kawei ka district kaba khang ban rah bad pyndonkam ïa ki suloi ‘licensed’ lane kino-kino ki tiar pynmynsaw ka ban pynthut ïa ka jingpynlong ïa ka ilekshon KHADC kaba khuid ba suba kaba laitluid bad kaba jop hapoh West Khasi Hills District.
Ha ka kyrwoh khubor, u DC u la pyntip bad bthah sha baroh kito kiba don laisen suloi ne pistol kiba hap hapoh u pud u sam jong ka district ba kin leit buh noh shipor ïa ki suloi/pistol jong ki sha ki thanat kiba marjan bad ka shnong jong ki hapoh ka 10 sngi naduh ba la pynmih ïa kane ka hukum bad kiba ïaleh pyrshah kin ngat ha ka jingpynshitom katkum ka section 221 jong ka BNS 2023.
