Shillong, K’lyngkot 27
Ka jingïakhun pyrshah jong ka Meghalaya ha ka pali ba ar ka la poi sha kaba kut kumba shi kynta eiei ha ka jingïalehkai mynstep ha ka sngi kaba saw bad khatduh jong ka Ranji Trophy 2024-25 Elite Group-A pyrshah ïa ka Odisha ha ka Sngi U Blei ha madan MCA, Polo.
Ha kane ka jingïakhun ka Meghalaya ka la shah pynhap noh tang 294 run, kaba kiew ha ka inning ba nyngkong na ka 198 run, bad kumta ka la shah rem ha ka Odisha (kaba la lah ban ïoh 548/7) da ka shi inning bad 56 ron.
Haba wan bteng biang na ka 221/6, u Jaskirat Singh Sachdeva ka Meghalaya u la pynbyrngia da ka jingïalehkai kaba la long ka jingmih na ka jingjied ïa ki bol kiba tbit bha. Ha kaba khatduh u la shah pynkhyllem noh hadien ba u la tied 82 ron bad ïa kane la kawang bol da u Sunil Kumar Roul (4/61). Kane ka dei kaba heh tam jong u ha kane ka lympung ïalehkai.
La kyrshan lang lyngba ka jingnoh synñiang da u Wanlambok Nongkhlaw ruh uba tied 27 run na ka 83 bol (2x4s), katba u Dippu Sangma u la kamai 21 run na ka 43 bol (1×4, 1×6).
U nongkawang bol ka Odisha, u Tapas Kumar Das uba la shim 6/67 ha ka pali ba nyngkong bad 1/57 ha ka pali ba ar bad ïohpdiang artad ïa ka khusnam Player of the Match.
Ka Meghalaya kan ïalehkai khatduh ha ka Ranji Trophy mynta ka aïom ha ka jingïakhun shabar na la ïing pyrshah ïa ka Mumbai naduh 30 tarik mynta u bnai.
