Imphal, Kyllalyngkot:
Ki shipai pahara ki la kem ïa lai ngut ki dkhot jong ki kynhun ba la shah ñiew beaiñ na ki jaka ba la pynlong ïa ka jingleit khynra ha ki distrik kum ha Thoubal bad Imphal West kiba ha Manipur, la ïathuh ki pulit ha kine ki khyndiat sngi ba la leit.
Ha kane ka jingleit khynra la ïoh ban kurup ïa ki pistol, ki tiar siat, ka pisa bad kiwei ki tiar. Ha kawei pat ka jingkhynra, la ïoh ban kem ïa uwei u dkhot jong ka kynhun ba la shahñiew beaiñ ka Kanglei Yawol Kanna Lup (KYKL) na Langol Type III ha Imphal West ha ka sngi Balang, la ïathuh uwei u heh pulit. Ka jingtohkit ha kaba ïadei bad ka jingjia ka dang ïaid shakhmat.
