Wellington, K’lyngkot:
Ka New Zealand ha kane ka por, ka la rai ban wanrah ïa ki kyndon visa kiba kham jem ban ailad ïa ki nongleit shuti ban trei na jngai haba ki leit jngoh ïa ka ri, kum shi bynta ban pyniar bad ban nang kyntiew shuh-shuh ïa ka kam jngohkai pyrthei, kaba long u bud-lum jong ka ïoh ka kot jongka.
Ka Erica Stanford, ka Myntri ka tnat Immigration ka la ong ha ka kyrwoh ba ka Visitor Visa kan kylla naduh ka 27 tarik u Kyllalyngkot hi khnang ban ailad ia ki briew ban trei na ka jaka ba ki don haba ki leit jingleit ne wan jngoh sha katei ka ri.
Kane ka dei ka iew kaba thymmai bha jong ki nongjngohkai pyrthei ba ka New Zealand ka lah ban ïoh rung namar la ong ba ki heh ka New Zealand ki kwah ba ki briew kin ïohi ïa ka ri kum ka jaka kaba biang bha ban leit jngoh.
Ka la bynrap ruh ha ka jingïalang bad ki nongthoh khubor hadien ka jingpynbna ba kam tikna katno ngut ki briew kin shim ïa kane ka kabu bad ka la ong ba hynrei kine ki Digital Nomad Visa ki la long kiba pawnam haduh katta katta shabar ri bad ba ka New Zealand ka thmu ïa ki briew kiba kwah ïa ka lad ban trei bad leit jingleit hangne hapoh ka ri.
Namar la ong ba ka ioh- ka kot jong ka New Zealand ka la hiar dor bha ha ki lai bnai ba shuwa ban kut jong u snem 2024 bad kumta ruh ka sorkar ka dang wad ia ki lad- ki lynti ban kyntiew ia ka roi ka par bad ka jinglong- jingman jong ka ri baroh kawei.
