Shillong, K’lyngkot 28
Ka lympung ïalehkai First Division Shillong Cricket League 2024-2025 ba la pynïaid da ka Shillong Cricket Associa-tion ka la sdang ha ka Sngi Ba-ar ha kaba ka Matrisangha CC ka la ïoh jingjop hadien ba la lah ban pynliem noh ïa ka Metallica CC da 7 wiket.
Nalor ka Matrisang-ha bad Metallica, kiwei pat kynhun kiba shim bynta ha kane ka lympung ki long ka Sunrise CC, Khalsa Warriors, Nongkseh United, MLP, Golflink, Young Guns, Malki CC bad ka Nong-thymmai S&CC ba la phiah sha ar tylli ki group.
Ha kane ka jingïakhun kaba la long ha madan Urkaliar, Shillong, ka Metallica ka la kam trai ban tied nyngkong ha kaba ka la ïoh 129 run bad shah pynhap 10 wiket ha ki 32.1 over. U Nikhil Thapa u la tied 39 run na ki 29 bol bad u Saumyadeep Bhattacharjee u la ïoh 30 run na ki 58 bol. Katba u Ravi Sunar u la shim 3 wiket bad 2 wiket da u Pargat Singh na ka bynta ka Matrisangha.
Ka Matrisangha haba wan tied ïa ka pali ba ar ka la lah ban kynjoh sha ka thong da kaba ïoh 130 run bad duh 3 wiket ha ki 20 over. U Paritosh Roy u la tied 45 run na ki 48 bol bad u Mintu Mehdi u la ïoh 43 run na ki 35 bol. Katba u Ashish Gurung u la shim 2 wiket na ka bynta ka Metallica. Ïa ka nam ‘Player of the Match’ la ïohpdiang da u Ravi Sunar.
