
Shillong, K’lyngkot 31
Ka Shillong Cricket Association kan sa sdang noh shen ïa ka lympung ïalehkai Super Division Cricket League 2025 naduh ka 8 tarik u Rymphang ha madan Polo.
Ha kane ka lympung kin don 12 tylli ki kynhun ba la phiah sha ar tylli ki group. Ha ka Group-A ki long ka Royals CC, Donkin SCC, Sporting CC, Sputnik Spartan CC, Nongmensong CC bad ka Langsning CC, katba ha ka Group-B ki long ka Rangkynsai CC, Lumpyngngad SCC, NFU, United XI, Raj Bhavan bad ka Sputnik CC.
Ki kynhun ki ban ïakhun nyngkong ha ka 8 tarik kin long hapdeng ka Donkin pyrshah ïa ka Nongmensong, katba ha ka sngi kaba bud kan long hapdeng ka Rangkynsai bad ka Lumpyngngad nalor kiwei pat ki ban long ha ki sngi kiba bud.