
Nongstoiñ, K’lyngkot 31
Ka Nongsohpian SC bad ka Risiang SC ki la ïoh jingjop ha ka Third Division jong ka NDSA Premier League Football Tournament 2024-25 ba la pynlong da ka Nongstoiñ District Sports Association (NDSA), katba ka Upper Marskuiñ bad ka Domsaw FC ki la ïakhaid mar 2-2 kol ha ka Sngi Thohdieng ha madan NDSA kaba ha Nongpyndeng.
Ha ka jingïakhun jong ka Third Division, ka nam jop jong ka Nongsohpian SC ka la wan hadien ba ka la lah ban pynliem noh ïa ka Mawthar FC da 2-1 kol. Kumjuh ka Risiang SC pat ka la jop da 4-1 kol ïa ka Mawpun FC.
Haba phai sha ka Upper Marskuiñ bad ka Domsaw FC ki la ïakhaid mar 2-2 kol, katba ka Mawrusyiar bad ka Umsaitmluh ki la ïasam mar shi point hadien ba kim shym la lah ban thep kol haduh kaba kut ka jingïalehkai.
Ha ka jingïalehkai jong ka Second Division pat, ka Mawthaw SC ka la jop ïa ka Mawkhmahwir SC da 1-0 kol.