
Shillong, K’lyngkot 31
Ka Khalsa Warriors ka la pynliem noh ïa ka Matrisangha CC da 84 run ha ka lympung ïalehkai First Division Shillong Cricket League 2024-25 ba la pynïaid da ka Shil -long Sports Association ha ka Sngi Thohdieng ha madan Polo.
Kane ka nam jop ka la wan lyngba ka jingïaleh-kai bha u Aditya Mahala uba la lah ban khyrwit ïa ka spah run kaba 117 na ki 97 bol na ka bynta ban pynlong ïa ka Khalsa Warriors ban poi haduh 206 run bad shah pynkhyllem 9 wiket ha ki 40 over. Ïa kane ka kynhun la noh synñiang lang da u Sawan Singh uba la tied 12 run na ki 18 bol. Katba ki nongkawang bol ka Matrisangha kiba kynthup ïa u Mintu Medhi lem bad u Kishor Bhowmik ki la shim mar 3 wiket.
Haba wan beh ïa ka thong, ka Matrisangha ka la ïoh tang 122 run hadien ba ka la shah pynkhyllem baroh ki nongtied ha ki 28.3 over. U Sajan Maghaiya u la tied 36 run na ki 33 bol bad u Snehal Dutta u la ïoh 23 run na ki 41 bol. Katba u Sawan Singh u la shim 5 wiket bad u Kushaldeep Singh 2 wiket na ka bynta ka Khalsa Warriors.
Lyngba katei ka jinglah ban ïalehkai bha, u Aditya Mahala u la ïohpdiang ïa ka khusnam Player of the Match.