
Shillong, K’lyngkot 31
Ka Pirates FC ka la ïoh jingjop ha ka lympung ïalehkai Maitshaphrang Cup 2025 ba la pynïaid da ka KSU Umsning Circle. Kane ka wan urlong hadien ba ka la lah ban pynliem noh ïa ka YBSC Shella lyngba ka tie-breaker da 7-6 kol ha ka Sngi Balang ha madan Umsning.
Ha kane ka jingïakhun baroh ar tylli kynhun ki la pyrshang ban ïakhun tyngeh naduh kaba sdang, hynrei ka Pirates ka la ïoh ban thep ar kol ha ka kylla step lyngba u Alem Khongwir ha ka minit kaba 6 bad kawei pat na u Batskhem Shanpru ha ka minit ba 12.
Wat lada ka Pirates ka la tam ar kol, pynbna ka YBSC ka la lah ban pynphai kylla ar kol ha ka kylla miet lyngba u Emdor Mairom ha ka minit ba 76 bad u Emarson Nongrud ha ka minit ba 81 na ka bynta ban ïakhaid mar 2-2 kol haduh kaba kut ka jingïalehkai.
Kumta ban ïoh ïa ka jingjop na ka liang ki bor pynïaid ki la pynïashut noh da ka tie-breaker ha kaba ka Pirate ka la lah ban tam ïa ka liang pyrshah da 5-4 kol.
Kane ka lympung kan bteng biang ha ka Sngi Saitjaiñ (1 tarik u Rymphang) ha kaba ka Sumer kan ïakhun pyrshah ïa ka Mawryngkneng.