Da 8 wiket pynliem ka MLP ïa ka Golflink XI ha ka First Division

U Md Javed u la tied 29 run na ki 52 bol.  Katba u Morningstar Khongwir u la shim 6 wiket bad 1 wiket da u Pankaj Roy na ka bynta ka MLP.

Shillong, Rymphang 02

Ka Meghalaya Police (MLP) ka la ïoh jingjop ha ka lympung ïalehkai First Division Shillong Cricket League 2024-25, hadien ba la lah ban pynliem noh ïa ka Golflink XI Star da 8 wiket ha ka Sngi U Blei.

Ha kane ka jingïakhun kaba la long ha madan Polo, ka MLP kaba la jop ïa ka kynting pisa ka la ailad shwa ïa ka Golflink ba kan tied nyngkong ha kaba ka la ïoh 75 run bad shah pynhap 10 wiket ha ki 20.4 over. U Md Javed u la tied 29 run na ki 52 bol.  Katba u Morningstar Khongwir u la shim 6 wiket bad 1 wiket da u Pankaj Roy na ka bynta ka MLP.

Haba wan shimti ïa ka pali kaba ar ka MLP ka la lah ban kynjoh sha ka thong da kaba ïoh 77 run bad shah pynhap 2 wiket ha ki 7.5 over. U Kamal Thapa u la tied 26 run na ki 21 bol bad u Vivekanand Singh Rathor u la ïoh 17 run na ki 12 bol. Katba u Prem Mahato u la shim 2 wiket na ka byna ka Golflink. Ï aka nam Player of the Match la ïohpdiang da u Morningstar Khongwir.