Imphal, Rymphang:
U Myntri Rangbah jong ka Manipur u N Biren Singh ha ka Sngi U Blei u la ai ka jingïaroh ïa u Myntri Rangbah jong ka Assam u Himanta Biswa Sarma halor ka jinglah jong u ban trei bor bah da kaba rat dyngkhong ïa ki Poppy ba la rep beaiñ bad ïa u drok ha ka jylla.
Kum ka jingai jubab halor ki jingkylli jong ki nongthoh khubor ha ka rynsan phah khubor ha ka X, u Singh hadien kawei ka prokram ha Imphal West District, u la ong, “Nga da sngewtynnad bad sngewnguh eh ïa u Myntri Rangbah ka Assam. U la ïakhun bha pyrshah ïa ki jingsniew kiba mih na u drok. Ngi la dei ban ïatylli bad ïada na ka bynta ka pateng na u drok.”
