Port Sudan, Rymphang:
Ka jingiakhun kaba jur ha ka thaiñ Shatei bad Sepngi jong ka Sudan, ka la shim ia ka jingim ym duna ia ka 65 ngut ki briew bad ka la pynmynsaw pat ia palat 130 ngut ha ka Lah Sngi U Blei, la iathuh ki nongsumar, katba ka thma kaba shyrkhei hapdeng ki arliang shipai jong katei ka ri ka dang bteng bad ka nang heh shuh shuh.
Ha South Kordofan, ka jingsiat suloi ia ka nongbah jong ka Jylla, Kadugli, ka la pyniap ia 40 ngut ki briew bad 70 ngut ki la mynsaw.
Katei ka nongbah, kaba la synshar da ki shipai jong ka Sudan, ka dei kaba la shah thombor ha ka jinghiar thma kaba u Lat ka jylla u Mohamed Ibrahim, u la kynnoh ba ka dei ka kynhun jong ka Sudan People’s Liberation Movement-North (SPLM-N), kaba la ïalam da u Abdel Aziz al-Hilu, kaba dang pynneh ruh ïa la ka jong ka kjat ha u snem 2018.
U Lat u la ong ba katei ka jingbthei bom ka dei kaba la thmu ia kawei ka iew kaba don ha katei ka thaiñ.
Ka SPLM-N ka la ialeh pyrshah bad baroh ar tylli ki kynhun shipai bad ki shipai paramilitary Rapid Support Forces (RSF) ha ki bynta bapher bapher jong ka South Kordofan ha baroh kawei ka thma jong ki.
Ka Sudan ka la sakhi ia katei ka jingïakynad naduh u bnai Iaiong jong u snem 2023, ha kaba ki jingïakynad hapdeng ki shipai ba man ka por bad ki RSF ki la nang jur tad haduh kine ki taiew ba dang shu dep.
