Shillong, Rymphang 07
Ka kynhun ki nongking-lieng ka Jylla ka la wanphai sha la ïing ha ka 7 tarik u Rymphang 2025 hadien ba ki la lah ban pynpaw ïa ka jjngtbit ha ka 38th National Games 2025 kaba la long ha Uttarakhand.
Ïa kane ka kynhun hapoh ka jingïalam u Ian Stuart Vincent bad ka Sheila Vincent kum ki nongseng ïa ka Meghalaya Canoe Association, la pdiang burom da ki dkhot ka Meghalaya State Olympics Association (MSOA) bad u District Sports Officer ka Ri Bhoi, Bah Bobby L Nongbet, ki kmie ki kpa lem bad ki bahaïing bahasem jong ki nongïalehkai ha kad liengsuiñ Guwahati.
Ha katei ka lympung kaba la long ha Uttarakhand, u Vikash Rana u la khur ïa ka takma ksiar ha ka Men’s Kayak Cross Extreme Slalom, ïa ki takma rupa la khur da ka Elizabeth Vincent ha ka Women’s Kayak Cross Extreme Slalom bad u Indra Sharma ha ka Men’s Slalom C1 Event bad u Pynshngaiñ Kurbah uba la khur ïa ka takma rnong ha ka Men’s Slalom K1 Event. Kine baroh saw ngut ki dei na ka Meghalaya Canoe Association. Katba ïa kawei pat ka takma rnong la khur da ar ngut ki nongking-lieng jong ka Rowing Association kata ka Kiran Devi bad ka B. Anandhi Bronze ha ka Lightweight Women’s Double Sculls.
