Shillong, Rymphang 07
Ka kynhun nongïalehkai Kickboxing ka Jylla kaba don hapoh ka synjuk jong ka Meghalaya State Kick-boxing Association (MSKA) ka la khur 12 tylli ki takma ha ka 4th WAKO India Open International Kickboxing Tournament kaba la long ha K.D Jadhav, Indira Gandhi Sports Complex, New Delhi.
Kine ki kynthup ïa 4 tylli takma ksiar, 5 tylli takma rupa lem bad 3 tylli takma rnong.
Ïa ki takma ksiar la khur da u Babit Kharsah-noh na Nongpyrdet (Ri-Bhoi District) ha ka K1 Rules ( below 51 Kgs Senior Men), ka Evangel Pohplet na Riat Laban (K1 Rules below 52 kgs Women Senior), Lumjing-suk Iawphniaw (Low Kick 51 kgs Men Senior) na Mawten SWKHD bad u Derrick Dashankur Nongrum (K1 Rules below 54 kgs Junior) na Laitryngew.
Ïa ki takma rupa la khur da ka Samebaniar Lyngdoh Mawphlang (below 18 kgs Point Fighting) na Tieh Nongbah, Kerbor-lang Hing (below 51 K1 Rules Men Senior) na Bhoirymbong, u Dajied Kyrpang Synjri (below 37 kgs Kick Light Old Cadet Boy’s) na Laitkor Rngi Lad Dewshyiap, u Malvin Lyngdoh Marshillong (below 60 kgs K1 Rules Men Senior) na Pyndengum-ïong Mairang bad ka Joviality Lyngdoh Kynshi (below 40 kgs K1 Junior Female) na Mairang.
Katba ïa ki takma rnong la khur da u Sakibanshai Nongbri na Pyndengumïong Mairang ha ka below 54 kgs K1 Rules event Senior Men, u Apbantei Marbaniang na Mairang ha ka below 71 kgs weight on K1 Rules event Senior Men bad ka Narimon Nongrum na Jatah Lakadong Mawkyn-rew Block ha ka below 48 kgs weight category (Low Kick event Female Senior Women).
Kumta na ka liang ka Meghalaya State Kick-boxing Association ka la ai khublei ïa kine ki nongjop ha katei ka lympung.
