Shillong, Rymphang 10
Ka Nongmensong CC ka la pynliem noh ïa ka Royal CC da 49 run na ka bynta ban ïoh jingjop ha ka Super Division Cricket League 2024-25 ha ka Lah Sngi U Blei.
Ka Nongmensong kaba la shimti ban tied nyngkong ka la kamai 203 run bad shah pynhap 10 wiket ha ki 40.4 over. U Arpit u la khyrwit ïa ka shiteng spah kaba 86 run na ki 94 bol bad u Manish Kumar Ray u la ïoh 40 run na ki 77 bol. Katba u Abhishek Kumar u la shim 7 wiket bad ïa ki 2 wiket da u Sikander Kumar na ka bynta ka Royal.
Haba wan beh ïa ka thong, ka Royal ka la ïoh tang 154 run bad shah pynkhyllem 10 wiket ha ki 34.3 over. U Raj Biswa u la tied 65 run na ki 55 bol bad u Dippu Sangma u la ïoh 32 run na ki 41 bol.
