Shillong, Rymphang 10
Ka Odisha FC ka la ïasam mar shi point bad ka Punjab FC ha ka lympung ïalehkai Indian Super League (ISL) 2024-25 hadien ba ki la ïakhaid mar 1-1 kol ha ka lah sngi U Blei ha Kalinga Stadium kaba ha Bhubaneswar.
Na ka daw ka red card lyngba u Rahul KP (44) ka la pynlong ïa ka Pynjab ban pynkhih jar lyngba u Petros Giakoumakis (45+2) hashwa ban kut ka jingïalehkai jong ka kylla step. Hynrei ka jingïalehkai bha ki rangïalehkai ka Odisha ka la pynlong ïa u Isak Vanlalruatfela (51) ban pynïakhaid kylla.
Haduh kaba kut kine ki kynhun kim shym la lah shuh ban thep kol bad ha kaba kut ki la mad ïa ka jingïakhaid.
