Imphal, Rymphang:
Ki shipai ïada ki la ïohlad ban pynjulor ïa ka ktem jong ki lehnoh ba la shahñiew beaiñ ka National Revolutionary Front of Manipur (NRFM) kaba don ha Imphal East District jong ka Manipur bad ki la kem ruh ïa hynriew ngut ki lehnoh, la ïathuh ki pulit hynnin ka sngi.
Kum shi bynta ban pyntreikam hadien ba la ïoh jingtip halor kane ka jingdon jong ka ktem ki lehnoh, ki pulit ki la pynlong ïa ka jingleit khynra ha Tellou Makha Leikai ha ka sngi U Blei bad ki la kem ïa ki lehnoh, la ong uwei u heh pulit.
Ki tiar ïaleh bad ki kuli, kynthup ïa kawei ka suloi A1 Assault kaba don Magazine bad 15 tylli ki kuli, kawei ka suloi AK-47 kaba don Magazine bad 13 tylli ki kuli, ar tylli ki suloi INSAS kiba don Magazine bad 12 tylli ki kuli, ar tylli ki Self-Loading Rifle kiba don Magazine bad 30 tylli ki kuli, san tylli ki Jacket bad bulletproof la ïoh ban kurup, u la bynrap.
Kine kiba la shahkem ki kynthup ïa u Moirangthem Somokanta Singh ba la tip kum u Pakpa (26), Thongam Iboton Singh kum u Thouyangba (34), Heisanam Rohit Meitei kum u Mangangngamba (32), Yaikhom Inao Singh kum u Chinglai (20), Nameirakpam Jotin Meitei kum u Pherappa (33), Ningthoujam Premkumar Singh kum u Punsirol (32) bad u Hemam John Singh kum u Athoiba (33).
