Los Angeles, Rymphang:
Katkum ki khubor, la ong ba uwei u briew u la khlad noh hadien ba kawei ka liengsuiñ ka la kum iaid bakla na ka lynti ïaid liengsuiñ katba ka dang hiar ha ka Kad Liengsuin jong ka Scottsdale jong ka nongbah Arizona bad ka la ïa tyngkhuh bad kawei pat ka liengsuiñ kaba ieng ha katei ka jaka.
U Dave Folio, uba dei u nongaiktien jong ka tnat pynlip ding jong ka Scottsdale, u la iathuh ha ki nongthoh khubor ba ym duna ia ka saw ngut kiwei pat ki briew, kiba la mynsaw bad ngat ha katei ka jingjia.
Uwei u briew u dang sahkut hapoh kawei na ki liengsuiñ bad ki nongïarap ba nyngkong ki dang trei ban pyllait im ïa ki, u la ong, katba lai ngut kiwei pat ki briew la rah sha ki hospital jong katei hi ka thaiñ.
U Folio um shym la ai jingtip shuh bad ym shym la lah ban tip mardor kaei kaba la pynlong ia katei ka liengsuin ban bakla ïaid na katei ka lynti iaid liengsuiñ ha katei ka jingjia.
Ka tnat pynïaid liengsuiñ jong ka Federal Aviation Administration, ka pyntip ha ka kyrwoh, ba ka dang tohkit ïa katei ka jinghap liengsuiñ, ha kaba ka la ong, ba ka dei ka jinghap jong ka Learjet 35A, kaba la kynthih na ka lynti ïaid liengsuiñ, ha kaba ka la ïa tyngkhuh bad kawei ka liengsuiñ Gulfstream 200.
