Shillong, Rymphang 12
Ka Benris FC ka la lah ban pynthikna ban jam sha ka semi final ha ka lympung ïalehkai phutbol ba heh duh ha Ri Bhoi ba la pynïaid da ka Shlem Saiñdur. Kane ka la wan urlong hadien ba ka lah ban pynliem noh ïa ka Laitkor da 3-1 kol ha ka Sngi Balang.
Ha kane ka jingïa-khun quarter final kaba la long ha madan Bhoirym-bong, Sohraman, baroh ar kynhun ki la pyrshang ban ïakhun tyngeh hynrei kim shym la lah ban pyn-urlong. Hadien shiteng kynta ka Benris ka la ïoh ban pynkhih jar nyng-kong eh lyngba u Aenam Jyrwa ha ka minit kaba 30. Kane ka kynhun ka la thep biang ïa ka kol ba ar lyngba u Daman (44) na ka bynta ban tam da 2-0 kol ha ka kylla step.
Hadien katto-katne por ba la bteng biang ïa ka kylla miet, kine kynhun ki la ïai bteng ban ïakhun tyngeh shuh-shuh. Ha shwa ban wai ka por ka Benris ka la thep biang ïa ka kol ba lai lyngba u Arlangki (87). Hadien ar minit ka Laitkor ka la lah ban pynphai kylla shi kol lyngba u W. Marbaniang (89) ha shwa ba kan mad ïa ka jingshah rem.
Ka jingïalehkai ba ar kan long ha ka Sngi Saitjaiñ hapdeng ka Ri Bhoi United FC pyrshah ïa ka Assam Rifles FT ha ka por 1:30 nohphai sngi.
