Beijing, Rymphang:
Ka China ha ka Sngi Balang ka la pynpaw ia ka jingpyrshah kaba jur halor ka jingthmu jong ka US ban shimti hi noh ia ka nongbah Gaza bad ban pynkynriah jaka noh ia ki paidbah nong Gaza. Nangta ruh la ong ba u nongialam khlieh duh jong ka China u la pyrshah jur ia ka jingthmu jong u President ba thymmai ka US- u Donald Trump halor katei ka jingthmu jong u.
Namar ka China ka la ong ruh ba ka nongbah Gaza ka dei hi ka jaka jong ki paidbah nong Palestine kiba la shong- la sah bad kiba la im baroh shi katta ha katei ka nongbah bad kumta ruh ka long kaei-kaei kaba bakla shibun eh lada yn pynkynriah ne phah mih noh ia ki na katei ka jaka kaba ki la im baroh shi katta.
