Kane ka long ka jingshisha kaba ka ktien u Blei ka ïathuh. Namar kiba ïap kim don shuh U Mynsiem. Ka ktien u Blei ka ong, U Blei u long u mynsiem.
Haba don u mynsiem u dang don u Blei. Ha bym don shuh u mynsiem u Blei um don shuh. Kumta kiba la ïap kim ïoh bneng shuh. Hangne ngi dei ban sngewthuh kiba ïap kim dei ba ki la leit sha bneng hynrei ki la leit shapoh ñiamra shapoh khyndew. Ka Ktien u Blei ka sakhi shai, U Blei um long u Blei kiba iap hynrei jong kiba im (Math 22 : 32).
Ha ka Gospel u Ioannis ka lynnong kaba saw ka dkhot kaba Arphew lai ka ong kumne. Hynrei ka por ka jia bad ka long mynta keiñ naba ki nongïamane Blei kiba shisha kin ïa mane ïa u Kpa ha ka mynsiem bad na kaba shisha naba u Kpa ruh u wad ïa kiba kum kita ban ïa mane ïa u. U Blei u long u Mynsiem te ka dei ïa kiba mane ïa u ban mane ha ka mynsiem bad na kaba shisha (Ioannis 4 : 23- 24). Kiba iap ki la duh ïa u Blei, Deit tang kiba dang im ki don u Blei.
C. B. Iawphniaw
