Tura, Rymphang 14
Ha kawei ka jingjia, ki pulit ka West Garo Hills ha ka Sngi Thohdieng ki la ïoh ban kem noh ïa 4 ngut ki briew na ka thaiñ Nakham Bazar jong ka sor Tura ha kaba la kynnoh ba ki thmu ban dawa pisa na ki jaka khaïi jong katei ka thaiñ.
Kitei 4 ngut kiba la shah kem, hadien ki la kam ba ki dei ki dkhot jong kawei ka Civil Society Organisation (CSO) na ka sor Tura. Ïa kine la tip kyrteng kum u Baithy B.N. Sangma, u Tengkim S. Marak, u Mathias T. Sangma bad u Tangkan Ch. Sangma.
Katkum ka tyllong khubor na ki pulit, la ong ba ki la shah kem mar-khmat hynne ka step ha ka por ba ki dang pyrshang ban lum pisa na ki dukan jong ka shnong Nakham Bazar.
