Shillong, Rymphang 16
Ka Cricket Lovers bad ka Cricket Smit ki la bteng ban ïoh jingjop ha ka 4th District League T20 Cricket Tournament 2024 ba la pynïaid da ka East Khasi Hills Cricket Association ha ka sngi Saitjaiñ.
Ha kane ka jingïakhun kaba la long ha madan Saitsohpen kaba ha Sohra, ka Cricket Lovers ka la pynliem noh ïa ka Rangshken ACC da 30 run. Ka Cricket Lover kaba la kam trai ban tied nyngkong, ka la ïoh 169 run bad shah pynkhyllem 9 wiket ha ki 20 over. U Rohit Yadav u la tied 30 run na ki 35 bol. Katba u Arnold Kharpuri u la shim 3 wiket ha ki 4 over.
Haba wan beh ïa ka thong, ka Rangshken ka la ïoh tang 137 run bad shah pynkhyllem 8 wiket ha ki 20 over. U Banshailang Kharphuli u la tied 28 run na ki 26 bol. Katba u Damechwa Khongsngi u la shim 2 wiket ha ki 3 over. Ïa ka nam Player of the Match la ïohpdiang da u Mewankitbok M Kharpuri.
Haba phai sha kawei pat ka jingïakhun kaba ar, ka Cricket Smit ka la jop da 147 run ïa ka Royal Rangers. Ka Royal Rangers haba jop ïa kynting pisa ka la ailad shwa ïa ka Cricket Smit ba kan tied nyngkong ha kaba ka la ïoh 266 run bad shah pynkhyllem 4 wwiket ha ki 20 over. U Raymond Thabah u la khyrwit ïa ka shiteng spah kaba 82 run na ki 44 bol. Katba u Kevinstar Khongwar u la shim 2 wiket ha ki 4 over.
Haba wan beh ïa ka thong, ka Royal Rangers ka la ïoh tang 119 run bad shah pynhap 7 wiket ha ki 20 over. U Lamphang Khongsni u la tied 36 run na ki 42 bol. Katba u Pynlong Khongshei u la shim 3 wiket ha ki 4 over. Ïa ka nam Player of the Match la ïohpdiang da u Shankupar Kharbangar.
