Washington, Rymphang:
Katkum ka jingkheiñ ba thymmai na ka tnat ka koit- ka khiah jong ka US haba iadei bad ka jingdon jong kiba khlad na ka ‘eriong Tlang kaba la leit lynshop ia ka phang Pdeng bad Mihngi jong ka United States, la ong ba ka jingdon kiba khlad baroh na katei ka jingjia ka la kiew sha ka 14 ngut tad haduh jong ka Sngi Nyngkong ba la ioh lum ia kane ka kaiphod ba thymmai.
U Lat ka nongbah West Virginia, u Patrick Morrisey ha ka Sngi Nyngkong u la pyntip ruh ba u iohi ia kawei ka jingkhlad tang namar ka jingkhriat bad jingdeit-thah palat jong ka suiñ bneng ha kitei ki sngi.
Nalor kata, la sakhi ruh ia ka jingiap briew na ka phang South jong ka nongbah Atlanta bad ka nongbah Georgia bad uwei na kitei kiba khlad dei uba shah bhan dieng ha ka por ba uwei u dieng uba heh bha u la kyllong ha ka jinglynshop jong ki bor ka mariang.
