Shillong, Rymphang 19
U trai jong kawei ka dukan u la ujor ba ki runar bym lah ban ithuh ki la thang ïa ka dukan die marbam jong u ha kaba ka jingjulor ka la long da ki lak tyngka.
Katkum ka khubor kaba la ïoh na ki pulit la ong ba u Apjal R Sangma u la ujor da ka ejahar ba ha ka 15 tarik mynta u bnai ha ka por kumba 11.30 mynmiet, ki runar bym lah ban ithuh ki la thang ïa ka dukan die marbam ka jong u kaba don ha Williamnagar Main Market ha East Garo Hills.
La ong ba ha kane ka jingshah thang jong ka dukan, ka jingduh bad jingjulor jong ki mar ki mata ka la long haduh kumba T.4 lak. Kum kane ka jingujor la dep ban ai ruh da kiwei ki nongshong dukan jong kane ka ïew.
