Shillong, Rymphang 20
Ka KSU Jowai Unit ha ka 18 tarik u Rymphang lyngba ka Education Cell ka shnat ka la ïoh ban synñiang sngewbha da ki kot pule sha ki khynnah skul ba wan na ka longïing longsem kiba duna ka ïoh ka kot bad kiba shem shitom ban thied kot skul ïa la ki khun.
Ha kane ka sngi la ïadon lang ruh u General Secretary KSU WJHDU Leningrad Tariang, Nidapoi Shadap General Secretary Jowai Circle, Ladaplin Hayong Education Secretary War Jaiñtia Circle, Ewanmi Phawa President Jowai Unit bad kiwei kiwei ki dkhot ka seng bad ki kmie ki kpa jong ki khynnah skul.
Ka jingthmu jong ka seng hi dei ban kyrshan ïa ki khynnah skul, ban kiew ka pule puthi hapoh ka bri hynñiewtrep bad ban kiew ka jaidbynriew Khasi baroh kawei. Ka Seng kan sa bteng ïa kane ka kam ha kiwei ki rukom ban kyrshan ïa ki samla pule.
