New Delhi, Rymphang:
Ka White House ha ka sngi ba la leit ka la pyllait ïa kawei ka durkhih kaba la pynmih jingïakynad hadien ba la pyni ïa ki nongleit buhai shnong beain sha US kiba shah teh kynjri bad shah ïalam sha ka liengsuiñ ban pynphai noh ia ki na Kad Liengsuiñ na Seattle.
Katei ka durkhih ka tang 41 sekhon ia kaba la pyllait paidbah ha ka rynsan X, kaba la ai kyrteng “ASMR: Illegal Alien Deportation Flight” bad ha katei ka durkhih la pyni ïa ki dur ba ioh ring haduh hajan ia ki kynjri bad ki jingdeng ba la teh bad khum ia ki ha ka lynti iaid kjat bad kitei nongbuhai shnong ruh kiba ïaid ryngkat ka shah khum kti.
