Mawkyrwat, Rymphang 21
Ka Mawlangwir Sports Club ha ka 24 tarik u Rymphang 2025 kaba dei ka sngi ñiew vote jong ka MDC ilekshon kan sa pynhap pyrda noh ïa ka lympung ïalehkai phutbol kaba heh duh ha ka thaiñ kaba tip kum ka Mawlangwir Football Invitation Tournament 2024- 25 ha madan Rowell Lyngdoh Stadium, Saitsnad Mawlangwir SWKHD.
Ha katei ka sngi ka Nongbri Brothers United FC kan ïakhun pyrshah ïa ka Benris FC. Ka lahduh ha katei ka sngi kan ïoh rah ïa ka khusnam song pisa kaba T. 8 lak bad ba ar T.4 lak tyngka.
Na ka liang ka Mawlangwir Sports Club lyngba ka Tournament Committee ka la pyntip ba ka dor bai tiket ha katei ka sngi kan long T. 200 marwei bad kan don ruh ka jingpynkhalai nusip na ka bynta ki paidbah ‘riewieit phutbol.
