Nongstoiñ, Rymphang 21
U Superintendent of Police ka West Khasi Hills District u la pynmih ïa ka jingtip khnang ban ym wit ïa ka ïaid ka ïeng jong ki kali, ki paidbah bad ban ym ban wanrah kano-kano ka jingthut ha ka sngi ñiew ‘vote’ ha ka ophis jong u District Election Officer (DEO), DC Office, Nongstoiñ.
Ha ka kyrwoh khubor, u SP u la ong ba la pynlong shi lynti ne ‘One Way’ ïa baroh ki kali kiba ïaid na Ladweitang (Indoor Stadium) sha DC Office bad Khliehïew.
Nangta, u la ong ruh ban ym shah rung ïa ki kali na Khliehïew sha DC Office lane Ladweitang (Indoor Stadium).
U la ong ruh ban khang ïa ka lynti ïaid kjat na Khliehïew sha DC Office, yn shah ban pynïeng kali shiliang ka rud surok na Indoor Stadium sha Khliehïew tang ïa ki kali Sorkar, ki ‘Counting Official’ bad ki ‘Counting ‘Agent’.
La ong ruh ba kane ka jingpynbeit kan treikam mardor naduh ka 5 baje mynstep haduh ban da dep ñiew ïa ki ‘vote’ ha ka 24 tarik u Rymphang, 2025.
