Khliehriat, Rymphang 21
Ki runar bym lah satia ban ithuh durkhmat ki la thombor ïa ki jaka thep ‘vote’ ha Wapungskur, kaba hap hapoh ka Musniang-Rangad konstitwensi bad pynpait-pynpra ruh ïa ki kor Electronic Voting Machine (EVM) ha ka 21 tarik Rymphang.
Kane ka jingjia ka la jia ha ka por 11.30 baje mynstep ha ka jaka thep ‘vote’ jong ki shynrang bad kynthei ba hap hapoh ka Musniang-Rangad konstitwensi.
Ki bor pynïaid distrik jong ka East Jaiñtia Hills kumjuh ka tnad pulit ki la hiar mar-mar sha kane ka shnong ban tem ïa ka jingjia bad ban lait mih ki jingkulmar bad ban shim jingkheiñ.
Naduh u Deputy Com -missioner, Shivansh Awasthi, u Superintendent of Police, Giri Prasad bad ka Kong J. Kharpuri kaba dei ka Additional Deputy Commissioner bad Returning Officer ki la leit ban pynsangeh ïa ka jingthep ‘vote’ ha katei ka jaka.
Ha kawei pat ka liang, ka jingpynjot-jingpynjulor ïa ki kor Electronic Voting Machine (EVM) ka la jia ruh ha ka shnong Bataw kaba hap hapoh ka Bataw-Lakadong konstitwensi. Kane ka la jia ha ki 2 tylli ki jaka thep ‘vote’ jong ka 29 – Bataw-Lakadong konstitwensi ba kynthup ïa ka 7-Bataw A (Male) bad ka 8-Bataw B (Female).
