Shillong, Rymphang 23
U Dr. Aman War ha ka Sngi Saitjaiñ, u la ai ïa ka shithi iehnoh kam kum u Nongïalam ka United Democratic Party (UDP). U Dr Aman War u dei uba bat kum uwei na ki Secretary ha ka Sengkmie jong ka UDP.
Ïa kane ka shithi la phah sha u President ka UDP Bah Metbah Lyngdoh bad sha u General Secretary Dr Jemino Mawthoh.
Ha ka shithi, u Dr Aman u la pyntip ba dang shen u la shah jied kum u Rangbah Shnong bathymmai ka Lachumiere bad kyrpad ban ai ka jingmynjur ïa kane ka shithi iehnoh kam.
U Dr Aman u la pynpaw ruh ïa ka jingsngewnguh kumjuh ïa ka jingbym lah ban klet ïa ka jingkyrshan bad ka jingpynshlur ba ki Nongïalam ka UDP ki la ai sha u kum u kyrtong ha ka ilekshon MLA 2023 na North Shillong Konstitwensi.
