Shillong, Rymphang 24
U kyrtong ka Voice of the People Party (VPP) na Mawlai Konstitwensi, Bah Eddieson Kharumnuid u la long u namtam bad ïoh ka jingjop kaba heh tam napdeng kiwei pat ki nongjop ha kane ka ilekshon MDC kaba dang shu dep.
U Bah Eddieson uba la ïoh haduh 22619 vote, u la jop da 12347 vote ïa u Bah Teiborlang Pathaw, kyrtong shimet uba la ïoh 10272 vote bad wan ba ar.
Haba phai pat sha ka jingïakhun ha Nartiang-Wahiajer Konstitwensi, u kyrtong ka VPP Bah Yoowanmi Myria uba la ju tip ruh kum u ‘Technology Da Khasi’ hapoh ki rynsan social media, u la shah rem tang da 7 vote ha u kyrtong ka NPP u Bah Reformingson Lamare .
U Bah Reformingson Lamare uba la ïoh 3921 vote u la tam da 7 vote ïa u Bah Yoowanmi uba la ïoh 3914 vote.
